Plantun de Prouvènço

Pèr coumpara dos planto d'encò nostre

Symphytum officinale & Eragrostis minor

fotò
fotò
Counsolo-majour

Symphytum officinale

Boraginaceae

Àutri noum : Erbo-di-cime, Erbo-dei-sùmi, Empés.

Nom en français : Grande consoude.

Descripcioun :
La counsolo-majour es uno grando erbo que trachis en ribo d'aigo. Se recounèis à si cimo denso de flour blanco, souvènt jaunasso, e subretout à si fueio en lanço emé un pecou que porto de gròssis alo que couron sus la cambo (fotò).

Usanço :
Au contre de ço que se vèi escri d'eici d'eila, vau miés la pas manja que caup d'alcalouïdo empouissounant pèr lou fege. Es uno planto vertuouso qu'èi poussible d'utilisa en emplastre contro d'ùni proublèmo de pèu (macaduro, blaveiròu e subretout li bruladuro), de muscle, d'articulacioun, d'estorso etc. Soun noum fai pensa à-n-utilisacioun contro li cime...

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Symphytum
Famiho : Boraginaceae



Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Palun - Prado umido
Estànci : Mesoumediterran à Mountagnard
Couroulougi : Pancaro entresigna
Ref. sc. : Symphytum officinale L., 1753

fotò
fotò
Eragroustido(-de-la-pichoto)

Eragrostis minor

Poaceae Graminaceae

Noms en français : Éragrostide faux pâturin, Petite Éragrostide.

Descripcioun :
Pichoto eragroustido, pas talamen coumuno, que trachis dins d'ùni relarg coume li limas de ribiero e proche dis oustau. Coume tóuti lis eragroustido se recounèis à sa lengueto facho de péu. Regardas peréu que i'ague de pichòti berrugo sus li fueio (lùpi !) e de glando sus li ramo dessouto lis espiguet (fotò). Pèr la destria de l'eragroustido de la grosso, basto de mesura la larjour dis espiguet (< 2,5 mm en liogo de > 2,5 mm encò Eragrostis cilianensis). Coumpara emé l'eragroustido-de-la-grosso que ié sèmblo un pau .

Usanço :
Li grano sarien manjadisso.

Port : Erbo
Taio : 5 à 50 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Eragrostis
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 6 mm
Flourido : Printèms - Estiéu - Autouno

Sòu : Ca
Autour basso e auto : 0 à 800 m
Aparado : Noun

Liò : Champ - Escoumbre e proche dis oustau - Ribiero - Camin
Estànci : Termoumediterran à Mesoumediterran
Couroulougi : Cousmoupoulito
Ref. sc. : Eragrostis minor Host, 1809

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
C
ges
R
C
R
RR
RR
ges

Symphytum officinale & Eragrostis minor

C
R
C
R
RR
R
R
R

Coumpara Counsolo-majour emé uno autro planto

fotò

Coumpara Eragroustido(-de-la-pichoto) emé uno autro planto

fotò